16.03.22թ.
Հիշողություն
Ղազարոս Աղայան
Ծիծեռնակը բույն էր շինում,
Ե՛վ շինում էր , և՛ երգում,
Ամեն մի շյուղ կպցնելիս՝
Առաջվա բույնն էր հիշում:
Մեկ անգամ էր նա բույն շինել
Եվ շատ անգամ կարկատել,
Բայց այս անգամ վերադարձին
Բույնն ավերակ էր գտել:
Այժմ նորից բույն էր շինում,
Ե՛վ շինում էր , և՛ երգում,
Ամեն մի շյուղ կպցնելիս՝
Առաջվա բույնն էր հիշում:
Նա հիշում էր անցած տարին
Իր սնուցած ձագերին,
Որոնց ճամփին հափշտակեց
Արյունարբու թշնամին:
Բայց նա կրկին բույն էր շինում,
Ե՛վ շինում էր , և՛ երգում,
Ամեն մի շյուղ կպցնելիս՝
Առաջվա բույնն էր հիշում:
Հարցեր և առաջադրանքներ
- Ծիծեռնակն ի՞նչ էր անում:
Բույն էր շինում։
- Ինչպիսի՞ն էր ծիծեռնակը:
Աշխատասեր, համառ, բարի։
- Առանձնացրո՛ւ բանաստեղծության քեզ համար ամենասիրելի քառատողն ու վերնագրի՛ր:
<<Նպատակասլացը>>
Այժմ նորից բույն էր շինում,
Ե՛վ շինում էր , և՛ երգում,
Ամեն մի շյուղ կպցնելիս՝
Առաջվա բույնն էր հիշում
- Բանաստեղծությունից դուրս գրի՛ր և սյունակներում առանձնացրո՛ւ համապատասխան հարցերին պատասխանող բառեր:
- Նշված բառերն առանձնացրո՛ւ և հոմանիշ (իմաստով մոտ) բառեր գրի՛ր:
Օրինակ՝ կպցնել-ամրացնել
Շինել –կառուցել
Ավերակ – քանդված
Սնուցած – կերակրած
Հափշտակած -գողացած
Կրկին – նորից
6.
Ի՞նչ | Ի՞նչ էր անում |
բույն | Բույն էր շինում |
շյուղ | Երգում էր |
երգ | Կպցնում էր |
Հիշում էր | |
- Շարունակի՛ր հորինել՝ փակագծերի հարցերը փոխարինելով համապատասխան բառերով: Չմոռանա՛ս վերնագիր գրել:
ԵՐԳՈՂ ԾԻԾԵՌՆԱԿԸ
Կար- չկար մի (սիրուն) ծիծեռնակ կար: Նա շատ էր սիրում (երգել): Մի անգամ նա որոշեց (բույն շինել) և բոլոր ծառերից հավաքեց ամենից սիրուն ճյուղերը։ Նա շատ խնամքով և ճյուղերի գույների հերթականությամբ դասավորեց իր բույնը, հետո բերեց ծաղկի թերթեր և զարդարեց այն և իր բույնը դարձրեց աշխարհի ամենասիրուն և տաքուկ բույնը։ Նա առավոտից երեկո իր ծաղկազարդ բնում երգեր էր հյուսում։ Բակի երեխաներն այդ բնի վրա գրեցին՝ ԵՐԳՈՂ ԾԻԾԵՌՆԱԿԸ և ամեն օր նրան օգտակար հացահատիկներ էին բերում, որ ծիծեռնակը ոչ մի տեղ չգնար կեր որոնելու, այլ մնար ու միայն երգեր իրենց համար։