Տարօրինակ հարցեր
Ջաննի Ռոդարի
Կար-չկար մի տղա, որն ամբողջ օրը սրան-նրան ձանձրացնում էր իր հարցերով: Հարցեր տալն, իհարկե, վատ բան չէ, ընդհակառակը, հարցասիրությունը գովելի է, բայց վատն այն էր, որ այդ տղայի հարցերին ոչ ոք չէր կարողանում պատասխանել:
Ասենք, գալիս էր ու հարցնում.
– Ինչո՞ւ դարակները սեղան ունեն:
Մարդիկ զարմանքից աչքերը չռում էին, կամ էլ հենց այնպես պատասխանում.
– Դարակները նրա համար են, որ նրանց մեջ որևէ բան դնեն, օրինակ՝ սպասք, դանակ, պատառաքաղ և այլն:
– Ես գիտեմ՝ ինչի համար են դարակները, բայց ինչո՞ւ դարակները սեղան ունեն:
Մարդիկ թոթվում էին ուսերը և հեռանում:
Մի ուրիշ անգամ նա հարցնում էր.
– Ինչո՞ւ պոչը ձուկ ունի:
Կամ թե՝
– Ինչո՞ւ բեղերը կատու ունեն:
Տղան մեծանում էր, բայց շարունակում էր ինչուիկ մնալ, և այն էլ՝ ոչ թե սովորական, այլ՝ թարս ինչուիկ: Մեծանալուց հետո էլ նա դիմում էր բոլորին զանազան հարցերով: Պարզ է, որ ոչ ոք չէր կարող պատասխանել նրա հարցերին: Բոլորովին հուսահատվելով՝ թարս ինչուիկը տեղափոխվեց մի սարի գագաթ, իր համար խրճիթ շինեց և այնտեղ հնարում էր նոր-նոր հարցեր: Հնարում էր, գրում տետրի մեջ, իսկ հետո շատ էր չարչարվում, որ գտնի դրանց պատասխանները: Ամբողջ կյանքում նա այդպես էլ երբեք չգտավ իր հարցերի պատասխանները:
Եվ ինչպե՞ս գտներ, եթե նրա տետրում գրված էր. «Ինչո՞ւ ստվերը բարդի ունի: Ինչո՞ւ ամպերը նամակ չեն գրում: Ինչո՞ւ նամականիշները գարեջուր չեն խմում»:
Աստիճանաբար նրա մորուքն աճեց, մի երկա՜ր մորուք դարձավ: Հարցասերը չէր էլ մտածում այն սափրել. դրա փոխարեն նա նոր հարց էր հորինում. «Ինչո՞ւ մորուքը դեմք ունի»:
Երբ նա մահացավ, մի գիտնական ուսումնասիրեց նրա կյանքը և զարմանալի հայտնագործություն կատարեց. պարզվեց, որ այդ ինչուիկը սովոր էր գուլպաները թարսերես հագնել և այդպես էլ հագնում էր իր ողջ կյանքում: Հենց այդ պատճառով էլ մինչև վերջ չսովորեց ճիշտ հարցեր տալ:
Հապա նայիր քո գուլպաներին, ճի՞շտ ես հագել:
Հարցեր և առաջադրանքներ
- Նշված բառերն առանձնացրո՛ւ և բացատրական բառարանի օգնությամբ բացատրի՛ր:
Թոթվում-ուսեր շարժել, զանազան-տարբեր, խրճիթ-Հողածածկ կտուրով գյուղական հսարակ փոքրիկ տուն, Հյուղ:
- Քո կարծիքով ինչո՞ւ էր Ինչուիկը տարօրինակ հարցեր տալիս:
Որովհետև գուլպաները թարս էր հագնում:
- Քեզ համար ի՞նչն է ձանձրալի:
Երբ ընկերներս ինձ չեն լսում, բայց պարզվում է, որ ես ճիշտ եմ:
- Փորձի՛ր պատասխանել Ինչուիկի հորինած հարցերին:
ա. – Ինչո՞ւ դարակները սեղան ունեն:
Որ ավելի օգտակար լինեն
բ. – Ինչո՞ւ ձուկը պոչ ունի:
Ձուկը պոչ ունի, որ կարողանա լողալ:
գ. – Ինչո՞ւ բեղերը կատու ունեն:
Բեղերը կատու ունեն, որովհետև առանց կատվի շատ տգեղ կլինի:
դ. – Ինչո՞ւ ամպերը նամակ չեն գրում:
Որովհետև ամպերը ձեռքեր չունեն:
ե. – Ինչո՞ւ մորուքը դեմք ունի:
Որովհետև առանձ դեմքի տգեղ կլինի:
- Տեքստից դուրս գրի՛ր բարդ բառեր և օգտագործելով նրա մասերը՝ նոր բառեր կազմի՛ր:
Աստիճանաբար – աստիճան, ուսումնասիրել – ուսում-սիրել, հայտնագործություն – հայտնի – գործունեություն – գործ – գործունյա, հարցասիրություն –հարց – հաց -հյուրասիրություն, հուսահատվել – հուսահատ – հատվել – ավել –հալվել – հասու.
- Դուրս գրիր ինչպիսի՞ հարցին պատասխանող բառերը:
Զանազան, երկար, թարսերես, ճիշտ
- Առանձնացրո՛ւ ի՞նչ հարցին պատասխանող բառեր և բառակապակցություններ կազմի՛ր: Օրինակ՝ կատու – սև կատու
Դարակ – տարողունակ դարակ
Սեղան – փոքր սեղան
Կատու – մլավան կատու
Ձուկ – կարմիր ձուկ
Պոչ – երկար պոչ
Բեղեր – սուր բեղեր
Ստվեր – սև ստվեր
Գուլպա – տաք գուլպա
Հարց – հետաքրիր հարց